Шпанија го кредитира ММФ

Шпанија му одобри заем на Меѓународниот монетарен фонд (ММФ) од четири милијарди евра, како дел од  помошта што Европската унија (ЕУ) му ја вети на фондот.

Договорот меѓу Шпанија и ММФ беше потпишан синоќа во Истанбул, каде што се одржува годишната сесија на светската финансиска институција.

Шпанија е седма држава во светот, односно четврта во ЕУ, која што потпиша ваков документ со ММФ.

Претходно Велика Британија и Германија одобрија по 15 милијарди евра заем за ММФ, а Франција одобри 11 милијарди евра.

{loadposition content9}