Србија протестира пред Советот за безбедност

Србија протестираше во Советот за безбедност (СБ) поради најавеното намалување на буџетот и бројот на членови на УНМИК во Косово.

Ова го јавија белградските гласила, повикувајќи се на српското Министерство за надворешни работи.

“Србија оценува дека во случај на намалување на буџетот и членови на УНМИК би била загрозена способноста на мисијата да администрира со покраината, и да го спроведе планот на Белград и ООН во шест точки“, се наведува во писмото доставено до СБ.

Белград, од СБ на ООН, побара да преземе соодветни мерки за да се стабилизира ситуацијата околу УНМИК и да се обезбеди примена на мандатот на оваа Мисија, во согласност со резолуцијата 1244 на СБ во ООН, од јуни 1999 година.

 

{loadposition content9}