Силно торнадо вчеравечер го погоди градот Фошан, во провинцијата Гуангдонг во Кина. Торнадото кое траело околу 1 минута, предизвикало штета во областа Нанхаи, објави државната ЦЦТВ.
Во градот имало прекин на електрична енергија, бидејќи торнадото ги скинало електричните кабли.
Тамошните жители на социјалните мрежи објавија снимки и фотографии на кои се гледаат превртени автомобили, паднати стебла и електрични столбови.
Торнадото предизвикало и пожари, а итните служби работеле на локализирање на пожарите. Не се наведува колку интервенции биле направени и дали имало жртви и повредени во невремето.
