Американскиот претседател Доналд Трамп го потпиша законот за објавување на судските акти во случајот на починатиот сексуален престапник Џефри Епстајн, кој беше обвинет за трговија со малолетни девојки и сексуална злоупотреба.
Сенатот на САД едногласно го одобри законот еден ден претходно, откако Претставничкиот дом гласаше „за“ со 427 „за“ и 1 „против“, но потписот на Трамп беше потребен за законот да стапи на сила. Претседателот се спротивставуваше на објавувањето со месеци пред да го промени својот став во текот на викендот по растечкиот притисок во рамките на неговата партија.
Законот бара од министерството за правда на САД да ги објави сите документи од истрагите за Епстајн во лесно достапен формат во рок од 30 дена. Досиејата се состојат од илјадници документи од кривичните истраги против Епстајн, вклучувајќи транскрипти од интервјуа со жртви и сведоци и предмети запленети при рации на неговиот имот.
