Првиот метеорски дожд во 2025 година кој НАСА го смета за еден од најдобрите годишни дождови се предвидува да го достигне врвот на својата активност вечерва, со стотици метеори кои ќе го осветлат ноќното небо доколку временските услови се оптимални.
Метеорскиот дожд квадрантид се случува секоја година на почетокот на јануари и е еден од најинтензивните годишни прикази на метеори. Своето име го добил од некогашното соѕвездие Quadrans Muralis, именувано од францускиот астроном Џеј Џеј Лаланд во 1795 година. Овој дожд првпат бил забележан во 1830-тите од белгискиот астроном Адолф Кетелет.
Првпат видени во 1825 година, Квадрантидите се резултат на остатоци од астероидот 2003 EH1 – комета широка околу 2 милји – што поминува во атмосферата на Земјата и предизвикува големи експлозии на светлина и боја.
Квадрантидите најдобро ќе бидат забележани на северната хемисфера во област подалеку од светлосно загадување. Највисоката активност се предвидува да се случи од 22 часот до 1 часот по полноќ по средноевропско време, при што квадрантидите можат да произведат околу 120 метеори на час.
