Визите за некои балкански земји да се укинат поскоро

Потпретседателот на Европската комисија Жак Баро повика да се предложи што поскоро укинување на визите за „граѓаните на оние земји од западен Балкан што ги исполнија условите“.

„Уверен сум дека укинувањето на визите за сите земји од западниот Балкан е изгледна перспектива“, изјави Баро, кој воедно е и еврокомесар за внатрешни работи и правосудство.

Баро изрази особено задоволство од напорот кој го вложиле земјите од регионот во исполнувањето на условите и одличната соработка со стручните мисии на ЕК.

Потпретседателот на комисијата истакна дека на Колегиумот на ЕК ќе му предложи да се укинат визите за земјите кои ги исполниле наведените услови.

 

{loadposition content9}