Авион со 199 мигранти депортирани од Соединетите Американски Држави утринава пристигна во Венецуела, откако Претседателот Николас Мадуро во телевизиско обраќање во саботата изјави дека Венецуела постигна договор со Соединетите држави за повторното воведување на летовите за репатријација на мигрантите.
Ова е четврти лет што ги депортира Венецуелците од САД. Првите два авиони полетаа од Ел Пасо, Тексас, на 10 февруари, по што следеше еден со 177 мигранти кои беа затворени во затворот Гвантанамо на Куба и пристигнаа во Венецуела преку Хондурас.
Семејствата и адвокатите бараат информации за роднините и клиентите до кои не можат да дојдат и бараат да бидат вратени во Венецуела. САД соопштија дека мигрантите депортирани во Ел Салвадор биле членови на венецуелската банда Трен де Арагуа, тврдење кое го негираше министерот за внатрешни работи на Венецуела.
Претходно властите во Венецуела објавија дека американскиот Стејт департмент ги „блокирал“ летовите за репатријација, откако Доналд Трамп ја повлече дозволата издадена од претходната администрација на американската нафтена групација Шеврон да работи во Венецуела и покрај санкциите против земјата кон крајот на февруари.
Фото: CNN
