©2008 - Сите права се задржани. Powered by TVM.


Санкции

Забрана за увоз на руски јаглен во ЕУ

Денеска стапува на сила целосната забрана за купување на руски јаглен за земјите членки на Европската Унија.
 |  инфодеск  | 
Руски јаглен

Од денеска стапува на сила целосната забрана за купување руски јаглен. Мерката беше одобрена како дел од четвртиот пакет санкции усвоени во април против Русија поради војната во Украина.

Друга забрана за увоз од Русија треба да се имплементира подоцна оваа година – делумно ембарго на нафта.

Испораките од Русија ќе бидат заменети со оние од Северна Америка, Јужна Африка, Колумбија, Австралија и Казахстан. Станува збор за значителни количини, бидејќи 70 отсто од увезениот јаглен во Европа доаѓа од санкционираната земја.

Ембаргото влијае на 22,6 отсто од целиот руски извоз на јаглен за 2021 година (8 милијарди евра годишно). Русија пренасочи дел од протокот – со значителен попуст од 30-50 отсто – кон Индија и Турција. Извозот во Индија, на пример, се зголеми за 25 отсто во мај 2022 година во споредба со истиот месец во 2021 година.

Во неколку месеци помеѓу гласањето за ембаргото и неговото стапување во сила, забележан е пораст на увозот во земји како Холандија, Германија, Италија, Шпанија и Белгија. Исто така од денеска истата забрана стапува на сила и во Велика Британија.

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top