Завршува 27 годишната одисеја на Експлорер
Легендарниот интернет пребарувач Интернет експлорер ја завршува својата одисеја, што значи „Мајкрософт“ по 27 години ќе престане да обезбедува техничка поддршка од денеска – 15 јуни.
Интернет експлорер беше влезот во интернет што ја одбележа ерата на „Мајкрософт“, пред појавата на Гугл, Фејсбук и ТикТок, во време кога пребарувачот мораше да се инсталира во компјутер преку цеде.
Интернет експлорер својата одисеја ја започна со Виндоус 95 во 1995. Компанијата со години го згаснуваше, а во 2019 го користеле само 8% од луѓето. Сајтовите и апликациите засновани на Експлорер ќе продолжат да работат со Еџ најмалку до 2029 година.
Своевремено беше најпопуларен интернет пребарувач, покривајќи 95% од пазарот во 2003, но неговото користење беше во постојан пад од 2010, кога приматот почнаа да го преземаат далеку побрзите пребарувачи Фајрфокс и Хром.