Skip to main content

Информации од Иво Котески, портпарол на МВР

Синоќа оклу 19 часот и 45 минути, во водите на Охридското езеро се случила сообраќајна незгода помеѓу два пловни објекти, едниот глисер марка СИДО, и глисер марка РЕГАЛ.

 |  Tatjana Malenkova  | 

Во водите на Охридското езеро на околу 300 метри од плажата Куба Либре, практично на самиот влез од каналот кој води кон марината се случила сообраќајна незгода помеѓу два пловни објекти – едниот глисер марка СИДО, управуван од 31-годишно лице од Охрид и глисер марка РЕГАЛ управувано од 39-годишна жена од Скопје. Во незгодата 39 годишната жена се здобила со тешки телесни повреди и веднаш била пренесена во медицинскиот центар, каде била констаирана смрт.
Во несреќата со тешки телесни повреди се здобила сопатничката, сопруга на лицето кое го управувало вториот глисер.Станува збор за 24-годишна Охриѓанка, додека сопатниците, едниот 28-годишно лице, Сириски државјанин и втората 17-годишна Охриѓанка, се здобиле со телесни повреди и се пренесени во Медицинскиот центар Охрид каде им е укажана помош.
Веднаш откако се случил инцидентот, увид на лице место е извршен од страна на заменик јавен обвинител и истражен судија од Основниот суд во Охрид. На увидот присуствувал и капетанот на Капетанијата на пристаништата од Охрид и увидна екипа од секторот за внатрешни работи Охрид.
Од лицето кое што го управувало вториот глисер, 31 годишниот Охриѓанец, земени се крв и урина, заради вршење на дополнителни анализи за присуство на алхохол во крвта.
По наредба на истражен судија пловните објекти се задржани и оставени во полициската станица за обезбедување на државната граница и езерската контрола и центарот за обука на вода при АРМ. Според првичните информации од увидот, глисерот со кој што управувал 31-годишниот Охриѓанец со поголема брзина удрил и практично преминал преку глисерот со којшто управувала сега починатата. Увидот на лице место е завршен и продолжуваат натамошните постапки за расчиствување и утврдување на причините за несреќата.

Првичните информации говорат дека починатата била сама во глисерот со кој управувала, додека според некои сознанија нејзиниот сопруг и детето се превезувале на скутер одвоено од неа во непосредна близина, но тие воопшто не се повредени.

Засега нема никакви информации за други лица кои би биле повредени и починати.

Инаку, годинава од езерска полиција има 16 пријави за сторени прекршоци по основ на Законот за внатрешна пловидба и еден глисер е одземен.