Архива

Министерството за здравство и Комисијата за заразни болести на утрешната седница на владата ќе и ги достават предлог мерките да се скрати полицискиот час и преку неделата и за време на викендот, но ќе се достават ии нови предлог мерки за задолжително носење на заштитна опрема во затворени простории и на отворено каде не е можно да се одржи дистанца подолга од два метри.Трендот на намалување на новозаболени лица со ковид-19 регистриран во последните два дена не значи дека врвот на епидемијата со коронавирусот е зад нас. Според министерот за здравство Венко Филипче, тоа е резултат на намалениот број на тестирања за време на празниците. Врвот на болеста, како што вели, допрва нè очекува.

Пет спортови на вода во еден ден. Годинава за прв пат во пет дисциплини 80 натпреварувачи од Струга, Охрид и Скопје си ги одмерија силите. Струга втора година по ред е домаќин на „Ден на Водни спортови“, настан кој од година во година прераснува во една заначајна спортска манифестација која покрај натпреварувачкиот карактер го промовира градот и ја продолжува туристичката сезона.

Едно лице загинало, а десетина други биле повредени кога комбе удрило во пешаци во близина на една џамија во северниот дел на Лондон. Инцидентот кој се случил петанесетина минути по полноќ се истражува како можен терористички акт.

Прашања на кои одговори ќе даваат Роналдо и Меси

3.280 000 денари се кратат од буџетските ставки предвидени за реконструкција на улиците Будва и Прилепска. Активностите на терен за изведба на атмосферска и фекална канализација на овие улици нема да запрат, уверуваат од Сектор за комунални дејности сообраќај и улици. Средствата кои во овој буџет се кратат ќе се предвидат во нацрт програмите за буџетот за следната година.

Сценариото за кое се говори во видеото што се споделува на Фејсбук, не е никаков таен документ, туку е јавно објавен на интернет пред 9 години. Извештајот не содржи едно, туку четири сценарија за иднината, кои не се ни планови, ни предвидувања. Локстеп сценариото што е објавено во извештајот на „Рокфелер“ фондацијата се однесува на 2012 година, но тогаш се случи таков настан.Така што, како невистинити ги оценуваме тврдењата изнесени во видеото дека „Рокфелер“ фондацијата ја испланирала ковид-пандемијата уште во 2010 година.

Дамиен Тарел, французинот кој му удри шлаканица на претседателот Емануел Макрон е осуден на казна затвор во траење од четири месеци.

Министерството за здравство информира дека денеска Институтот за јавно здравје регистрира 24 излекувани пациенти кои се лекуваа во домашни услови. Излекувани пациенти се евидентирани во: Скопје – 4, Дебар – 4, Струмица – 1, Куманово – 1, Штип – 3, Прилеп – 3, Кочани – 5 и Тетово – 3.

Повеќе од една деценија, некогашниот затворен пливачки базен во Струга зјае како руина. Објектот е оставен на забот на времето да пропаѓа, иако своевремено беше еден од најрепрезентативните спортски објекти во земјава. Директорот на ОУ „Браќа Миладиновци“ кое се наоѓа веднаш до базенот бара од надлежните на локално или централно ниво да преземат мерки објектот да биде затворен за да не претставува собиралиште на зависници од дрога.