Архива

Започна извршувањето на имотот на Трудбеник кај Студенчишкиот канал. Градежна механизација во присуство на полиција започна со отстранување на времените објекти на локацијата каде Фибула ер Травел во рок од две години треба да изгради два хотели од светски бренд. Извршниот директор на Трудбеник во судска постапка ќе бара поништување на купопродажниот договор за земјиштето.

Дебарско-кичевската епархија ги известува православните верници дека денес во црквата „Света Богородица“ – Каменско во Охрид, ќе се служи првиот „Акатист на Пресвета Богородица“.

Во охридските училишта скоро и да не постојат современо опремени кабинети по предметот физика. Учениците се лишени од можноста теоретското знаење да го поткрепат со изведување на експерименти. Во образовниот систем се  направија промени , но не и во опрема со нагледни средства со кои ќе ги заинтересираат учениците за физиката, велат професорите. 

Wales често говори дека во ниеден момент не пожалил што Wikipedia ја оставил бесплатна

Спортската сала Тодор Александров во Велгошти и терените на ОУ Живко Чинго беа арена за одмерување на вештините и среќата во повеќе спортски дисциплини. Учениците од охридските школи се натпреваруваа во баскет, фудбал, пинг понг, шах. Натпреварите беа организирани од ОУ Живко Чинго , со поддршка на Локалната самоуправа и Сојузот на училишни спортови.

Министерството за култура, со цел да се создадат услови за рамномерен културен развој и да се обезбедат услови за достапност на граѓаните до културните вредности и нивно масовно користење, како и за да се поттикне заживувањето на културата на локално ниво, во 2015 година ќе обезбеди средства од Буџетот на Република Македонија за реализација на манифестацијата „Град на културата во 2015 годинa“.

После успешната обука на преку 40 младинци од 14-18 години вклучени во националната програма Промоција на хумани вредности-Црвен крст во акција (ПХВ-ЦКА), од денес па во наредните два месеци младинците организирани во 7 тимови започнуваат со работа на терен во истражување на потребите на заедницата, пронаоѓање на целни групи и спроведување на најразлични креативни активности со цел обезбедување на средства за конкретна помош на оние на кои помошта им е најпотребна.

Традиционално и годинава по петти пат во колеџот Јахја Кемал во Струга се одржа спортскиот турнир во кошарка и одбојка. На утакмиците продефилираа околу 750 ученици од Основните училишта од југозападниот регион на земјава, кои покажаа квалитет во спортската игра што е услов, тие да прераснат во врвни спортисти, велат организаторите.

Волонтерите на неформалната еколошка организација „Чист Охрид“ викендов по 30-ти пат излегоа во акција да расчистуваат низ градот. Овој пат тие чистеа во околината на скалестата зграда.