Архива

5 и 6-ти февруари се денови кога се чевствува името и делото на големиот македонски преродбеник и писател од 19 век – Григор Прличев. Во негова чест библиотеката Григор Прличев, завод и музеј, основното училиште и центарот за култура Григор Прличев, во координација со општина Охрид и подржани од Министерството за култура, организираат низа манифестации.

Интензитетот на реакциите на одлуката на Советот да се зголеми цената на водата за  пиење не се смалува. По искажната загриженоста на  политичарите од ОК на Вмро Дпмне и нивните советници се огласи и граѓанско здружение  „Христо Узунов“.

Охрид го одбележа денот на рибарите. На Сараиште беше подготвена  и рибна чорба од која беа поделени 2000 порции. Чорбата  ја вкусија не само посетителите на манифестицијата туку  и 60-тина  стари  и изнемоштени лица во градот и институциите, а за тоа се погрижија волонтерите на Црвен крст. Во водите на езерото имаше и традиционално капење на  рибарите.

Македонската младина станува активен пушач на се помала возраст. Загрижувачки се статистиките кои редовно ги објавува Светската здравствена организација за бројот на млади пушачи. И покрај државните механизми за искоренување на оваа навика, се чини во Македонија се полесно се посегнува по цигара.

Семафорите од ракрсниците на булеварот „Туристичка“ ќе заминат во историјата. Доколку се реализира програмата за уредување на градежното земјиште за 2012 година, наместо семафори, ќе никнат кружни текови. Од секторот за сообраќај при општина Охрид со објаснување дека на овој начин ќе се зголеми безбедноста, но и ќе се олесни протокот на возила на овие раскрсници.

Фудбалeрите на Арсенал и Челзи, Самир Насри и Саломон Калу на лондонскиот стадион „Вембли“ ја претставија топката со која ќе се игра финалето во ЛШ оваа година.

Општина Охрид и Стелар Солушнс денеска го претставија планот за воспоставување на Касарна Хаб, стартап центар во објект во поранешната касарна во Охрид. Касарна хаб е дел од проектот OHRID GO со кој општината сака областа на поранешната касарна да ја трансформира во технолошка и рекреативна зона. Тоа ќе се прави преку размена на знаења и искуства со стручни лица межу кои и денешниот гостин на презентацијата Ира Рубенштајн инвестициски консултант во областа на иновации. Во следните две години во Касарна Хаб планирани се низа настани, едукации, менторства и вмрежување на лица кои имаат идеи за иновативни бизниси со потенцијални инвеститори.

На три  пункта: Трпејца, Пештани и Охрид за само 5 дена од почетокот на вештачкиот мрест на Охридската пастрмка се собрани 490.000 зрна икра. Научните работници од Хидробилошкиот институт се задоволни од текот на ловот на пастрмката и процесот на мрестот на овој ендемичен вид на риба.

Ќе продолжи изградбата на новата болничка зграда во болницата „Св Еразмо“, најави денес од Охрид министерот за здравство, Венко Филипче. Дискутабилно и неизвесно е дали Заводот за кардиоваскуларни заболувања ќе биде преселен во новиот објект.