Архива

Советот на општина Охрид, на последната седница спротивно на одредбите од „Законот за јавните претпријатија“ именуваше членови на управните и надзорните одбори за контрола на материјално-финансиското работење на јавните претпријатија во Охрид, обвинија денеска од ОК на ВМРО ДПМНЕ. Од таму тврдат дека именуваните лица не ги исполнуваат законските услови.
За вакво незаконско работење ќе има и мора да има индивидуална, правна и политичка одговорност, порачаа од ВМРО ДПМНЕ.

„Ентити“ со резултат 1:2 загубија во осмина-финалето од екипата „Некст“ од Казахстан, во елиминацискиот дел од натпреварувањата во рамки на Светското првенство во кантер-страјк што се одржува во јужнокорејскиот град Бусан.

Од наредниот месец, авиокомпанијата „Визер“ ќе воведе нови поевтини летови до три нови дестинации -Париз, Брисел и Франкфурт.

Кантер страјк момците од Охрид завршија првопласирани во својата група на светското сајбер првенство во Јужна Кореја. Утрешниот натпревар против репрезентацијата на Казахстан може да ги лансира момците помеѓу петте најдобри екипи во светот.

Охриѓани од дното на Охридското езеро ја упатија новогодишната честитка. По втор пат таа е посветена на децата со ретки болести. Традицијата на поставување и китење елка во водите на езерото продолжува по 16 -ти пат.

Охрид синоќа го одбележа големиот празник, денот на својот заштитник Свети Климент Охридски. Пред голем број присутни гости и почитувачи на делото на великиот Св.Климент Охридски градоначалникот Александар Петрески ги  врачи Наградата и трите повелби.

Никако да се склопат коцките од мозаикот за одржување на судското рочиште за случајот Пливалиште. И денес, како и пред нецел месец, претресот е одложен, поради отсуство на вештакот Милан Чундев и на дел од бранителите на обвинетите.

Доколку не се намали висината на надоместокот за комунални услуги за овој дел од Охрид, од 1.1.2012 тие ќе се откажат од услугите на ова јавно претпријатие. Вака стои во соопштението на официјалната веб страна на Куратица. Директорот на Охридски комуналец, Сашо Алче вели дека тропаат на погрешна врата.

Заштитата на децата во медиумското претставување е тема за која што во последно време многу се зборува. Потребно е да има пропишани стандарди на кои ќе се повикаат новинарите при пишувањето на стории од оваа област. Точно на тоа се работи деновиве во Охрид, односно претставниците на медиумите од Македонија, детската амбасада Меѓаши, изготвуваат Кодекс за известување на случаи каде што децата се жртви, сведоци или сторители на насилство.