Архива

Благодарејќи на имунизацијата многу заразни болести кои во минатото претставувале значаен јавно-здрaвствен проблем затоа што предизвикувале висок морбидитет, односно морталитет кај децата и возрасните, или предизвикувале компликации и инвалидитет, денес се елиминирани или ставени под контрола, сведени на поединечни случаи без смртен исход и трајни последици. Вакцините помагаат да се стават под контрола преку 20 болести како туберкулоза, дифтерија, детска парализа, сипаници, заушки и многу други кои без вакцините би биле смртоносни за многу луѓе ширум светот. Податоците на СЗО велат дека вакцинирањето спречува два до три милиони смртни случаи од болести во светот секоја година.

„Опција“ од Охрид која е невладина организација што работи на програми за поддршка на сексуални работници во Охрид и Струга, со низа активности и едукативни предавања се вклучи во одбележувањето на 17-ти Декември. Целта е да се даде поддршка во борбата за подигнување на јавната свест но и почитување на нивните основни човекови права и слободи.

Нешто повеќе од една милијарда денари тежи буџетот на Општина Охрид за нареднава година. Експертите очекуваат дека ваквиот буџет треба околу 90% да биде реализиран и во најголем дел да бидат задоволени потребите на граѓаните.

Стигнаа првите сметки за годишна гробарина. Секој корисник на едно гробно место, за 2011 година треба да плати 1200 ден. Оваа давачка е согласно законот за градски гробишта и истата е донесена од страна охридскиот совет.

Во организација на Здружението „За Трпејца со љубов“, од денеска до понеделник во Трпејца по четврти пат ќе се одржи Уметничката колонија.

Подобра патна инфраструктура, решавање на разни видови комунални проблеми, изградба на дом за стари лица и спортски игралишта, отстранување на физичките препреки за лицата со хендикеп се дел од барањата на месните заедници, здруженијата и граѓаните за реализација во 2012 година.

Бојкот на наставата најавуваат родители на ученици од ОУ Св. Климент Охридски. Тие бараат две одделенски учителки и школскиот логопед и дефектолог на кои им истекува договорот за дело и понатаму да се задржат на работа.  Се повикуваат на нивната стручност и професионалност  и нагласуваат да не се игра со емоциите на децата за сметка на други интереси. 

Две пречистителни станици по една во Љубаништа и Трпејца ќе ги одведуваат отпадните води на потегот Градиште-Свети Наум. Според физибилити студијата која денес беше презентирана во општината, водата која ќе биде испуштана во езерото ќе биде со висок квалитет. Предложеното решение финансиски подносливо-ветува изведувачот.

Отворен нов етно ресторан. Синоќа во атарот на селото Куратица отпочна со работа „Дедо Димо“. Традицијата на селото за рзвој на руралниот туризам ја продолжува Горан Ангелоски кој очекува дека ова место ќе прерасне во една успешна фамилијарна приказна.