Архива

Охрид синоќа го одбележа големиот празник, денот на својот заштитник Свети Климент Охридски. Пред голем број присутни гости и почитувачи на делото на великиот Св.Климент Охридски градоначалникот Александар Петрески ги  врачи Наградата и трите повелби.

Никако да се склопат коцките од мозаикот за одржување на судското рочиште за случајот Пливалиште. И денес, како и пред нецел месец, претресот е одложен, поради отсуство на вештакот Милан Чундев и на дел од бранителите на обвинетите.

Доколку не се намали висината на надоместокот за комунални услуги за овој дел од Охрид, од 1.1.2012 тие ќе се откажат од услугите на ова јавно претпријатие. Вака стои во соопштението на официјалната веб страна на Куратица. Директорот на Охридски комуналец, Сашо Алче вели дека тропаат на погрешна врата.

Заштитата на децата во медиумското претставување е тема за која што во последно време многу се зборува. Потребно е да има пропишани стандарди на кои ќе се повикаат новинарите при пишувањето на стории од оваа област. Точно на тоа се работи деновиве во Охрид, односно претставниците на медиумите од Македонија, детската амбасада Меѓаши, изготвуваат Кодекс за известување на случаи каде што децата се жртви, сведоци или сторители на насилство.

Охриѓани по повеќе од 20 години синоќа имаа можност да присуствуваат на модна ревија. Креатори на истата се тим на средношколки од општинското средно училиште „Св. Климент Охридски“ предводени од професорката по уметност Катерина Слатинова. Ревијата беше дел од активностите на училиштето подготвени за патрониот празник.

„Сите сме под исто сонце“. Под овој наслов годинава се реализираше програмата по повод патрониот празник во ООУ Св. Климент Охридски. Весело, разиграни и распано. Вака протече синоќешната свеченост која беше посветена на децата со посебни потреби, кои се дел од овој образовен центар.

Синоќа беа доделени италијанските фудбалски Оскари во кои очекувано доминираа фудбалерите на Интер кои ја освоија историската тројна круна.

Поради постоење основи на сомнение за сторено кривично дело „злоупотреба на службена положба и овластување”, ОВР Струга поднесе кривична пријава против А.К.(40) од Струга.

102 квадрати од земјиштето од игралиштето од ОСУ Ванчо Питошски, апелациониот суд им го врати на старите сопственици. Оваа одлука која првично ја донесе основниот суд, а ја потврди аплеција, доаѓа по повеќегодишниот судски спор, кој се водеше помеѓу поранешните сопственици Али Фикрие, Бекир Бекири и Зиние Бекироска.