Архива

Меѓу четворицата кандидати за шеф на државата – Ѓорге Иванов, Стево Пендаровски, Илијаз Халими и Зоран Поповски, нема соработник со тајните служби утврди Комисијата за верификација на факти.

Пензионерите следни на листата на чекање за електронски здравствени картички. Се најавува рок од три месеци во кои картичките треба да стигнат до оваа категорија на граѓани. Аплицирањето за здравствените картички може да се направи или лично или преку матичниот лекар. Првоиздадената картичка ќе биде бесплатна за сите кои ќе аплицираат.

Општинското средно училиште „Св.Климент Охридски“ синоќа го одбележа својот патронен празник. Настапот на хорот на гимназијата и на оркестарот ја направи атмосферата во салата на Центарот за култура „Григор Прличев“  уште попразнична, а учениците од рецитаторската секција преку одбрани стихови ја пренесоа свети климентовата порака.

Промовирање на сунеѓерот како ендемичен вид кој живее во Охридското езеро, планинскиот чај,  собирање на стара хартија, електорнски отпад, чистење на Охридското езеро од градежен шут, собирање на отпадно масло од домаќинставата  се дел од реализираните активности  на одделението  за заштита на животната  средина при Локалната самоуправа.

Рано е да се дискутира за менување на имињата на улиците и објектие во општина Струга, сметаат од ВМРО-ДПМНЕ. Но сепак треба да се дискутира за неколкуте прекршувања на законот од мултиетнички карактер, сметаат од оваа политичка опција.

Оптички кабли, канализациони, водоводни мрежи. Низ градов засилено се вршат прекопи за сите овие намени. Но колку брзо ако и воопшто, прекопаните места се враќаат во првобитната состојба? Дали постои законски рок за да се направи тоа или граѓаните до бесконечност ќе ги избегнуваат дупките по улиците и тротоарите.

Околу 20 дела на роднокрајни ликовни уметници, и годинава беа дел од традиционалната изложбата по повод одбележувањето на Св Климент Охридски, Патронот на градот. Оваа година поставени се слики во чест на основоположниците Јонче Симонче и Павле Георгиески Зуфа.

Враќањето на паркинизите во нивно владение, во голема мерка ќе ја зајакне финансиската состојба на претпријатието, вели директорката Гордана Јованоска.

Ова е успешната приказна на основното училиште „Братство Единство“. Дванаесетина деца по завршувањето на редовната настава, своето време го минуваат во дополнителна просторија во рамките на училиштето. За нив се грижи наставничка ангажирана од страна на локалната, но сите други потреби на децата се задоволуваат од сопствен џеб и преку донации.