Архива

Економската експлоатација на деца станува се поголем светски проблем. Голем број на деца се движат по улиците под присилба или по сопствен избор за да заработат некој денар. Омбудсманите за деца од Југо-источна Европа денес се сретнаа и разговараа за начините на кои може да се спречи оваа негативна појава.

Родителите на децата албанци од Подгорци денес  протестираа пред зградата на општина Струга. Тие се против одлуката на Министерството за образование за укинување на албанските паралелки во ОУ „Гоце Делчев“. Градоначалникот Рамиз Мерко смирува и вели дека работат на надминување на проблемот.

Еднаш најавува Охридската касарна да припадне на Локалната самоупрва, за потоа да се премисли. Најновата одлука е просторот да го  додели на Министерството за образование.  Во админситративната зграда на касарната се адаптираат канцаларии за неколку подрачни единици од различни министерства.

Повторно на површина исплива проблемот што Охрид нема марина. Сопствениците на бродовите и едрилиците кои ги има во се поголем број денес одржаа состанок во Охридската капетанија на кој беше истакнат проблемот со немање простор за усидрување на пловилата. Капетанот на Охридската капетанија рече дека Министерството за транспорт и врски добро е запознаено со проблемот и дека има интерес за да се направи долго најавуваната марина.

Со панихида во чест на жртвите чии животи згаснаа при потонувањето на бродот “Илинден” денеска во Охрид се одбележаа две години од најголемата бродска несреќа на Охридското езеро. Сончевото летно утро и мирното езеро охриѓани и гостите од Бугарија во целот ги потсети на кобниот 5 ти септември 2009 год. кога во Охридското езеро се удавија 15 бугарски туристи.

Промовирање на позитивните вредности на меѓусебна соработка, толеранција и општ напредок за сите балкански народи. Политичкиот балкански форум отвори своја канцеларија и во Охрид. Веќе од утре тие најавуваат започнување на многу проекти од најразлични области кои вклучуваат економија, безбедност и едукација.

Една од најголемите ѕвезди на Светското првенство,Октоподот Пол,утрово е најден мртов во својот аквариум.

Утринава во 5:30 часот во с. Чегране, гостиварско, извршен е обид за убиство на јавен обвинител од Oсновното јавно обвинителство Гостивар. Јавниот обвинител е надвор од животна опасност и е под медицинска нега на скопските клиники.

Во куќата на Уранија, денес се сретнаа претседателите на  македонската и албанската академија на науките и уметностите, Ѓорѓи Старделов и Гудар Беќирај. Академиците потпишаа Меморандум за  разбирање за научна соработка кој содржи неколку заеднички проекти.