Архива

Свеченото отворање на новата академска 2024/2025 година на Универзитетот за информатички науки и технологии „Св. Апостол Павле“ ќе се одржи во Амфитеатарот на Универзитетот во вторник, 1-ви октомври 2024 година во 12:00 часот.

Во Охрид температурите ќе се движат во интервал од 7 до 19 степени Целзиусови.

Со голема меѓународна конференција Охрид го одбележа Светскиот ден на туризмот. Годинава мотото е туризмот и мир, за да се истакне значењето и поврзаноста на туризмот и мирот. Од Агенцијата за промоција на туризмот најавуваат дека ќе се работи на привлекување на туристи од нови пазари, но и воведување на нови авио линии.

Унгарскиот премиер, Виктор Орбан, денеска од Охрид го искоментира како историска грешка тоа што земјава се’ уште не ги започнала преговорите, а таа грешка, според него е двојно поголема со одделувањето на Албанија на патот кон ЕУ. Орбан му претставил на Мицкоски предлог за изнаоѓање на решение со Бугарија, и се понудил Унгарија како земја-претседавач со ЕУ, да посредува во разговорите.

Утре на градскиот плоштад и на кеј Македонија ќе биде разиграно во духот на хуманоста и здравите животни навики на 16тата по ред хуманитарна акција За посреќно детство. Црвен крст Охрид и Стоматолошки центар Баткоски и годинава, на задоволство на најмладите охриѓанчиња, подготвија низа забавни содржини, подароци, награди и изненадувања. Прибраните средства од акцијата се наменети за деца од социјално загрозени семејства од Охрид и Дебрца.

Се реконструираат долниот спрат и санитарните чвори, се поставуваат нови врати и молерисување на административните простории, ИТ инсталацијата, како и фасадата од северната и западната страна и други активности.

Деновиве се извршени зафати во пумпната станица за водоснабдување на село Мешеишта,чија цел е да се обезбеди поекономично водоснабдување и помали трошоци за електрична енергија.

Младите кои се граѓански и политички ангажирани почесто разговараат за важните општествени теми и се вклучени во волонтерски активности во семејната и училишната средина, имаат поголемо искуство со работата на локалната и централната власт, но и со граѓанските организации, а се и повеќе едуцирани и свесни за влијанието на медиумите и дезинформациите врз општествените текови. Оттука, политичките институции, училиштата, граѓанските организации, медиумите и семејството имаат приоритет во поттикнување на младинскиот активизам, што пак е предизвик за оние кои работат на едукацијата, социјализацијата и креирањето на политиките за младите.

Претставата е работена според мотивите на делата од Марко Цепенков. Целта на настанот е на децата да им се долови културното творештво преку театар, а ќе се укаже на клучни нешта битни за нивно правилно воспитување и осознавање на вистинските вредности.