Архива

Во Охрид ќе се одржи промоцијата на прирачникот Џуџето Јоханухан Папатакапов Смирнов“, за деца со дислексија.

Тони рударски отпад го загадува Охридското Езеро со тешки метали. Депониите кои ги користат рударските компании во Поградец во близина на езерото, по препорака на Унеско требаше итно да се санираат, но тоа се уште не е направено. Невладините се се погласни дека итните препораки за Охридскиот регион не се спроведуваат и во двете држави. Струга не изготви Регистар на дивоградби, а и натаму продолжува претераната урбанизација.

Градоначалникот на Охрид со реакција на заклучокот на Комисијата за УНЕСКО во врска со хотелот во Лагадин. Пецаков вели дека два пати дал негативно мислење за одобрението за градба на хотелот, како и претходните градоначалници во изминатите 6 години. А второстепената комисија на Министерство за транспорт и врски го враќала предметот на повторно одлучување во Општина Охрид за на крај да одлучи мериторно за хотелот.

Светскиот ден на бубрегот во Македонија се одржува по 18-ти пат, а настани по повод денот има во сите градови ширум земјата во соработка со центрите за дијализа Диаверум и Нефроплус, Клиниките за нефрологија и урологија и Заводот за нефрологија во Струга.

ТППЕ Кавадарци и Неготино, ЈП Комуналец Кавадарци и ЕуроНикел, со повеќе од 10 возила и над 25 пожарникари брзо интервенираа во гаснењето на пожарот, кој го зафати магацинскиот дел од фабриката за канабис во село Дебриште.

Општина Охрид да ја преиспита изградбата на хотелот во Лагадин, а во меѓувреме таму да нема активности, порача министерката за култура Бисера Костадиновска Стојчевска. Ова е заклучок на националната комисија за УНЕСКО која заседаваше синоќа. Законот за управување со светското природно и културно наследство на Охридскиот Регион не предвидува исклучоци како што тоа го предвидела локалната во сегашната одлука за донесување и спроведување на урбанистички планови и легализација на дивоградби, посочуваат од Комисијата и препорачуваат Општината да донесе нова одлука.

Од Јавното претпријатие додаваат дека се реализирани и вонредни активности за чистење на крајбрежниот појас од градско пристаниште до Холандски Парк.

На 24-ти и 25-ти март од 12 до 18 часот во просториите на Касарна Хаб ќе се одржи Саем за сезонско вработување на средношколци и студенти.

На ИТБ Берлин започнаа преговори за чартер линија Букурешт-Охрид, состаноци со туроператорот ТУИ кои изразија подготвеност за поставување на трета дестинација за 2024 година од која ќе оперираат со чартери, зголемувајки го бројот на туристи.