Архива

Организацијата Уне, Груаја (Јас, жената) од Поградец, Албанија, својот проект ќе го претстави во Охрид, пред еколошки здруженија и еколози.

Граѓани на Струга поднесоа Управен приговор до општината за исклучувањето на јавното осветлување. Бараат да се намалат сметките на граѓаните, кои плаќаат ваква комунална такса. Градоначалникот Мерко, вели не се исклучува целото осветлување. Општината просечно трошела до 2 милиони денари месечно струја, а само за август годинава добиле фактура од 10 милиони денари, што е петкратно повеќе.

Сеизмолошката опсерваторија при Природно-математичкиот факултет во Скопје, во соработка со ОУ „Христо Узунов“ организира едукативен настан за приближување на поимот и феноменот земјотрес прикажан во Центарот за култура Григор Прличев, а насочен за охридско-струшките основци. Театарската претстава „Очи во очи со земјотресот“ на разигран детски начин придонесува за подобро разбирање на самата појава и мерките за заштита од неа.

Охридската организација на Црвен Крст најдобар во Македонија. По 4-ти пат во нивни раце е пехарот како највисоко признание од Националната програма за промоција на хумани вредности. Младите волонтери од Охрид веќе 20 години се активни во оваа програма, носејќи ја униформата на Црвениот крст создаваат проекти и дела за добробит на заедницата и помош на оние на кои им е најпотребна. За нивната посветеност добија признание и честитки од Градоначалникот на Охрид и Генерален секретар на Црвен Крст на Македонија.

Здружението за истражувања и анализи го презентираше Извештајот за отвореноста на општинските буџетски процеси за 2021 година.

За време на спуштањето на балонот, во кој имало 28 патници и двајца членови на екипажот, животот го загубиле двајца шпански државјани.

Поради успехот и препознаениот потенцијал на социјалната економија за развој на регионот, проектот RISE покрај изминатите три, ќе работи со младите и во наредните три години.

Пожарникарите предупредуваат да се чистат и вертикалните канали во колективните станбени згради , а не само на оџаците во индивидуалните куќи. Оваа грејна сезона многу од граѓаните се префрлија на греење со огревно дрво, а некористените оџаци се опасност од пожари.

Македонските аеродроми полека закрепнуваат од Ковид пандемијата. Првите девет месеци од годината завршија со 1.8 милиони патници. Како што информираат од ТАВ Македонија, зимскиот распоред на летови 2022/2023 година на двата македонски аеродрома ќе почне на крајот од октомври и според досегашните информации од авиокомпаниите, нема да има значителни промени во бројот на дестинации.