Архива

Најмалку 12 лица загинаа, а десетици се повредени откако автобус со полски регистерски таблички утринава излетал од автопат во Хрватска.

Охриѓани и туристите денеска се едуцираа за хепатитисот и имаа можност бесплатно да се тестираат за ова вирусно заболување. Настанот беше по повод Светскиот ден за борба против хепатитис, организиран од Хепар Центар Битола во соработка со Здружението „Ретко е да си редок од Охрид“. Последните податоци од теренските тестирања покажуваат зголемување на бројот на случаи на хепатитис во земјава. Потребно е подигнување на свеста кај населението да се тестира, посеопфатен скриниг и поголеми буџети за терапија, порачуваат од Хепар Центарот.

Двајца охриѓани физички нападнале 24-годишен сограѓанин на бул. Туристичка. Против напаѓачите ќе биде поднесена соодветна пријава.

21-годишник од Кичево со своето возило излетал од патот кај месноста „Бел мост“. Неговиот сопатник се здобил со тешки телесни повреди.

59-годишен охриѓанец паднал со мопед на улицата „Јане Сандански“. Притоа се здобил со тешки телесни повреди.

Таксистите си продолжуваат со старите практики и ова лето, иако откако им беше аминувано барањето за поскапување на такси превозот, советот и градоначалникот побараа да ги подобрат услугите и односот кон граѓаните. Локалната власт, пак, не чувствува потреба да одговара на прашања поврзани со проблемите на граѓаните и туристите со такси превозот кои се најизразени во летната сезона.

Незаборавна вечер со Фламенко балетот „Луксуриа“ од Шпанија по повод 62-от роденден на фестивалот „Охридско лето“.

Култното шоу „Импровокација“ вечерва се враќа на својата матична сцена, Народен театар Охрид. Почеток во 20 часот, а билетот ќе чини 250 денари.

Квинтетот „Виенска камерна симфонија“ вечерва на репертоарот на „Охридско лето“. Концертот започнува во 21 часот во црквата „Света Софија“.