Архива

Грција заплени руски танкер за превоз на сурова нафта, изјави претставник на грчкото Министерство за поморство. Пловилото „Пегаз“ под руско знаме со 19 руски членови на екипажот е запленетo во близина на островот Евија.

Денес продолжува штрајкот во училиштата и градинките кој е организиран од СОНК. Вчера владата побара предлогот за 10-процентно зголемување на платите, СОНК да го прифати.

Кривична пријава против 38-годишен охриѓанец поради „оштетување и неовластено навлегување во комјутерски систем“.

Бреинобреин програмата во Центарот за развивање на животни вештини БОБ-Црвен крст Охрид успешно ја завршија нови пет генерации.

Советниците позитивно одговорија на барањето на такси превозниците со оглед на поскапувањето на горивата и економската криза. Но, воедно на денешната седница беше побарано од такси компаниите да ги подобрат услугите и односот кон граѓаните. Градоначалникот, порача дека такси превозот ќе биде под засилен инспекциски надзор и доколку не се придржуваат до прописите казните ќе бидат ригорозни.

Реконструкцијата на Македонски просветители ќе биде завршена во предвидениот рок , 1ви јуни. Локалната е во постојана координација со изведувачот и надзорот, вели градоначалникот Пецаков, со цел работите да се одвиваат според предвидената динамика.

Не е пропуст на колектор за истекот на заматена вода, во населбата Воска, за кој алармираа поединци, тврди директорот на ЈП Колекторски систем. Проблемот е во реката Грашница, а решението е во надлежност на ЈП Нискоградба и Локалната самоуправа.

Со кампања под мотото „Предизвик“ Националното здружение „Храбро срце“ ќе ја подигнува свеста за органодарителството кај младата популација. Велат свеста за органодарување во земјава се` уште е многу ниска. Потребна е национална кампања со поддршка од државата и институциите, но и измени во законот. 

Полициските службеници санкционираа 12 возачи во Охрид, двајца во Струга поради управување возило под дејство на алкохол. Против нив ќе бидат поднесени соодветни платни налози.