Архива

Реконструкцијата на Македонски просветители ќе биде завршена во предвидениот рок , 1ви јуни. Локалната е во постојана координација со изведувачот и надзорот, вели градоначалникот Пецаков, со цел работите да се одвиваат според предвидената динамика.

Не е пропуст на колектор за истекот на заматена вода, во населбата Воска, за кој алармираа поединци, тврди директорот на ЈП Колекторски систем. Проблемот е во реката Грашница, а решението е во надлежност на ЈП Нискоградба и Локалната самоуправа.

Со кампања под мотото „Предизвик“ Националното здружение „Храбро срце“ ќе ја подигнува свеста за органодарителството кај младата популација. Велат свеста за органодарување во земјава се` уште е многу ниска. Потребна е национална кампања со поддршка од државата и институциите, но и измени во законот. 

Полициските службеници санкционираа 12 возачи во Охрид, двајца во Струга поради управување возило под дејство на алкохол. Против нив ќе бидат поднесени соодветни платни налози.

Градоначалникот на Општина Охрид, Кирил Пецаков ги прими охридските таеквондисти Христијана Парулеска, Давид Крстески и Елена Јанеска кои освоија високи награди на Европското таеквондо ИТФ првенство кое се одржа во месец март во Пореч, Хрватска.

Екипите на ЈП „Охридски Комуналец“ со цела своја расположлива механизација се на терен и се чистат сите мапирани диви депонии низ општината.

Во организација на Центарот за развој на Југозападниот плански регион, во посета на Општина Охрид беа амбасадори и високи дипломати од странските амбасади во нашата држава.

При тешка кражба од помошен магацин на полицијата во Стара касарна одземени се солзавци, шок бомби и други предмети. Се преземаат мерки за расчистување на случајот.

Итни економски мерки за ублажување на последиците од светската економска криза и намалување на невработеноста во Југозападниот плански регион. Ова се дел од заклучоците на првиот економско дипломатски караван во организација на министерството за надворешни работи, што денес се одржа во Струга. Компаниите ги претставија своите економски и инвестициски потенцијали пред високи дипломати во земјава.