Со одлука на регулаторната комисија за енергетика, од синоќа на полноќ, бензинот од 98 октани поскапува за половина денар, цената на дизелот не се менува.
Малопродажните цени на ЕУРОСУПЕР БС-95, ЕУРОДИЗЕЛ (Д-Е V) и Екстра лесното масло за домаќинство (ЕЛ-1) не се променуваат, односно остануваат на исто ниво утврдени согласно Одлуката од 22.04.2013 година. Така цената на ЕУРОСУПЕР БС-95 изнесува 78,00 ден/лит, на ЕУРОДИЗЕЛ (Д-Е V) изнесува 67,00 ден/лит, а на Екстра лесното масло за домаќинство (ЕЛ-1) изнесува 55,50 ден/лит.
Малопродажната цена на ЕУРОСУПЕР БС-98 се зголемува за 0,50 ден/лит, во однос на цената утврдена согласно Одлуката од 22.04.2013 година и со оваа Одлука изнесува 80,00 ден/лит. Малопродажната цена на мазутот М-1 НС се зголемува за 0,558 ден/кг, во однос на цената утврдена согласно Одлуката од 22.04.2013 година. Така цената на М-1 НС изнесува 40,801 ден/кг.
