Астероидот наречен „2023 JK“ се очекува да прелета покрај Земјата денеска, промашувајќи ја нашата планета за „само“ 1,6 милиони километри.
Според американската вселенска агенција НАСА, „2023 JK“ е со големина колку комерцијален патнички авион. Во недела ќе помине и астероидот „ЈД4“, кој е отприлика со иста големина како „2023 ЈК“, кој ќе ја промаши Земјата за двојно поголема оддалеченост.
Во близина на Земјата ќе поминат уште три астероиди: „Син мермер“ со големина на автобус, „2023 JL2“ со големина на авион и „HG11“ со пречник од само седум метри, кој ќе се приближи на 4,5 милиони километри.
Поминувањето на „JK 2023“ можеби е многу поопасно во споредба со другите помали астероиди, но човештвото не треба да ги менува своите планови за викендов, тврдат од НАСА.
„Околу еднаш годишно, астероид со големина на автомобил удира во атмосферата на Земјата, создава импресивна огнена топка и гори пред да стигне до површината“, објави НАСА.
Сепак, пред околу 65 милиони години, астероид со големина на планина ги избриша диносаурусите и поголемиот дел од остатокот од животот на Земјата.
