На 4 и 5 јули „Ohrid Cocktail Festival“ носи музика, коктели и забава покрај езерото

Охрид на 3 и 4 јули ќе стане центар на коктел културата, музиката и добрата забава со одржувањето на првото издание на „Ohrid Cocktail Festival“, кое ќе се одржи на Кеј Македонија, пред хотелот „Палас“.

Организаторите најавуваат два дена исполнети со врвни коктели, настапи на познати диџеи, едукативни сесии со искусни бармени и уникатна атмосфера покрај Охридското Езеро.

Програмата на фестивалот на 4 јули започнува во 19 часот со едукативни сесии во хотелот „Палас“. Предавањето „History in Every Sip: The Cocktail Then and Now“ ќе го одржи Филип Арнаудов од Speakeasy Bar / Bar Evolution, кој ќе зборува за развојот на коктелите низ историјата.

Потоа следува панелот „The Cocktail of the Future: Where Will the Next Dose of Creativity Take Us?“, на кој своите искуства и визии ќе ги споделат Зоран Димитриевски и Александар Менков од OWL Mixology Bar.

Вечерната програма започнува во 20:30 часот на фестивалската сцена на Кеј Македонија, каде публиката ќе ја забавуваат DJ Face, групата No Fun и DJ Jaybeats.

„Ohrid Cocktail Festival“ продолжува на 5 јули со уште една вечер исполнета со музика, коктели и добра атмосфера. Во терминот од 19 часот до 20:20 ќе се одржи едукативната сесија „From zero to hero – the formula for a world class brand“ со Драган Јордев и Бертан Сулејман. Забавната програма започнува во 20:30 часот, а публиката ќе ја забавуваат Urban Planet, DJ Selector Rootboy (Tome Kukunesh) и DJ Gec.

Организаторите најавуваат богата понуда на креативни коктели, музика и содржини кои ќе ги спојат љубителите на добрата забава, гастрономијата и миксологијата.

„Очекувајте коктели што раскажуваат приказни, музика што ги спојува луѓето и атмосфера што ќе ве натера да посакате фестивалот никогаш да не заврши“, порачуваат организаторите.

Генерален спонзор на фестивалот е „Жито Леб“, организатор е BNJ Production, а настанот е поддржан од Општина Охрид.