Бесплатна летна школа за Flipbook анимација во Младински центар Охрид
Учеството е бесплатно, а бројот на места е ограничен.
Младинскиот центар Охрид ги повикува младите над 14 години да се пријават на Летната школа за Flipbook анимација, која ќе се одржи од 10 до 14 август, во рамки на манифестацијата „Недела на млади 2026“.
Под менторство на графичкиот дизајнер и аниматор Дамјан Шокев, учесниците ќе ги совладаат основите на анимацијата преку flipbook техника и ќе изработат сопствена кратка анимација.
Работилниците ќе се одржуваат секој ден од 11:00 до 13:00 часот во просториите на Младинскиот центар Охрид. Учеството е бесплатно, а бројот на места е ограничен.
Заинтересираните можат да се пријават преку онлајн формуларот: https://forms.gle/bQzwghS91uDdYmvi7.
