©2008 - Сите права се задржани. Powered by TVM.


По шест години пауза

Бритни Спирс се враќа на музичката сцена

Бритни Спирс на социјалните мрежи го објави дуетот „Hold Me Closer“ со Елтон Џон, преработка на неговата песна „Tiny Dancer“ од 1971 година.
 |  инфодеск  | 
Бритни и Елтон

Бритни Спирс и Елтон Џон ја објавија песната „Hold Me Closer” – новата преработка на неговата песна „Tiny Dancer“ од 1971 година.

Прилично е ‘кул’ што пеев со еден од најтренди мажите на нашето време… Ова е голема работа за мене!!! – напиша Бритни на Твитер.

За неа ова е големо враќање – по шест години вон сцената. Последната нејзина песна под назив „Slumber Party“ таа ја објави во 2016 година.

Џон неделава ја изведе песната и пред публика, во ресторан на југот на Франција.

Апсолутно сум воодушевен што имав можност да работам со Бритни Спирс. Таа навистина е икона – една од најголемите поп-ѕвезди на сите времиња и звучи неверојатно во оваа песна. Ја сакам многу и сум воодушевен од она што го создадовме заедно – истакна Елтон Џон.

Списанието „Ролинг стон“ ја има вклучено оригиналната песна на Елтон меѓу 500-те најдобри песни на сите времиња и тоа – на 47. место.

Во продолжение слушнете како звучи „Hold Me Closer” !!!

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top