Изложба на фотографии во црно бела техника во организација на Фото клуб Охрид
![](/wp-content/themes/yootheme/cache/70/Sequence-01.00_04_00_24.Still008-70150611.jpeg?x28309)
Во изложбениот салон на ЦК Григор Прличев во Охрид, се отвора изложбата на фотографии во црно бела техника. Станува збор за изложба на тројца фотографи, Димче Мајкоски, Димче Коруноски и Слободан Циклески.
![](https://tvm.mk/wp-content/uploads/2024/03/Sequence-01.00_08_05_13.Still005-1024x576.jpg?x28309)
Фотографиите во црно бела техника се особено интересни за луѓето кои имаат префинет вкус, Ќе бидат изложени вкупно 40 дела на тројцата автори.
„ Дваесет се дела на гостинот од Скопје, и по десет на домаќините од Фото клубот, кој всушност е организатор на оваа изложба. Во клубот членуваат над дваесеттина љубители на фотографија меѓу нив има повозрасни, и помлади што е особено важно за опстојување на самиот клуб. Лани рпославивме 25 години псотење и работиме со голема љубов и ентузијазам. За жал и по толку години ние немаме своја просторија, секогаш одговорните ни ветуваат а не исполнуваат јас се надевам и дека наскоро ке имаме свои простории”, вели Ѓоко Симјаноски од Фото клубот Охрид.
![](https://tvm.mk/wp-content/uploads/2024/03/Sequence-01.00_07_37_04.Still002-1024x576.jpg?x28309)
Охрид е непресушна инспирација за фотографите, уметниците сликарите. Денес дигитализацијата и современите апарати овозможуваат лесно да се овековачат мигови и детали.
„Денес фотографирањето моѓе да го направи секој малку ако ја сака убавината на својот град или одредени детали со својот телефон да ги направи тие да бидат вечни, а да не зборуваме за оние кои употребуваат фотографски апарати и разно разни техники освен тоа денес дигиталната фотографија овозмужува да изгледа таа прекрасно. Секоја колоритна фотографија може да биде и црно бела а љубителите на фотографија треба само да се испробаат”, вели Симјаноски.
Од Фото клубот Охрид велат добиваат поддршка од локалната самоуправа, само им недостигаат простории.
![](https://tvm.mk/wp-content/uploads/2024/03/Sequence-01.00_06_38_01.Still004-1024x576.jpg?x28309)
Новинар Соња Рилковска