Жените се повеќе изложени на ризик од повеќе хронични болести со возраста, ако сметаат дека врските се незадоволителни, велат научниците од Универзитетот во Квинсленд во Бризбејн. Жените на средна возраст кои имаат “задоволувачки” врски со партнерите, пријателите и колегите имаат помала веројатност да развијат повеќе од една хронична здравствена состојба подоцна во животот, покажа ново истражување.
Новата студија, објавена во списанието Општа психијатрија, ги анализира податоците од скоро 7.700 жени во Австралија.
Жените немале 11 чести хронични состојби на возраст помеѓу 45-50 години кога студијата започнала во 1996 година.
На секои три години жените пријавиле нивоа на задоволство од нивните партнери, членови на семејството, пријатели, работа и социјални активности.
Жените биле следени 20 години за да видат дали развиле дијабетес, хипертензија, срцеви заболувања, мозочен удар, хронична опструктивна белодробна болест (ХОББ), астма, остеопороза, артритис, рак, депресија и анксиозност.
За време на периодот на следење, околу 58% од жените развиле повеќе од една состојба.
Научниците откриле дека жените кои пријавиле најниски нивоа на задоволство од нивните социјални врски имале двојно поголем ризик од развој на повеќе хронични болести во споредба со оние кои пријавиле највисоко ниво на задоволство.
Социјалните врски треба да бидат приоритет на јавното здравје во превенцијата, велат научниците.
Авторите на студијата сметаат дека откритието може да биде делумно објаснето само со други фактори како што се богатството и статусот на “однесување и менопауза”, но предложиле лекарите да ги испрашуваат своите пациенти за задоволството од нивните социјални врски.
