Цела година го чекаме тој годишен одмор, па кога конечно ќе дојде, трчаме на плажа, бели, навикнати на гардероба и климатизирани простории, а ненавикнати на целодневно Сонце, бубачки, ежови, поинаков режим на исхрана, пониски хигиенски услови…Доколку со себе немате адекватна помош, сево ова може да ви го претвори летувањето во ноќен кошмар.
Не зачудува тоа што токму на летување често се заразуваме од стомачни вируси или настинка и сме лесен плен на комарците. И токму кога треба да уживаме, ние боледуваме: според статистиките човекот на годишен одмор просечно два ипол дена ги поминува во боледување.
Доколку пред да отпатувате се информирате какви неволји може да ве снајдат и доколку со себе понесете добро испланирана и опремена торбичка со лекови, во голема мера ќе си го олесните летувањето.
Кои лекови мора да ги имате во патната торба:
-средство против болки
-средство за смирување на стомачни тегоби и мачнини додека патувате
– средство против диареа
-лекови за намалување на зголемена температура
– спреј за нос
-креми за сончање
-средство за дезинфекција на мали рани 
-крема за ублажување на спортски повреди
-крема за ублажување на убоди од инсекти и медузи
– хранливи креми за кожа
– фластери
– завои
– пинцета
– топломер
{loadposition content9}
