За прв пат во големата сала на НУЦК „Григор Прличев“ голем настап на комичарот Бојан Велевски во Охрид.
Бидејќи е прв, а првиот впечаток секогаш најважен, тој доаѓа со STAND UP SPECIAL или најдобриот материјал од 10 години кариера и над 400 настапи “збиен” во пеколни 90 минути и смеење на секои 20 секунди во просек.
“Со задоволство ја прифатив поканата на НУЦК “Григор Прличев” – Охрид да гостувам во Охрид и конечно да се запознаеме одблиску, како што е редот со охридската публика. Внимателно ќе ги одберам моите најдобри фори и ветувам дека ова ќе биде едно вистинско освежување за охриѓани.”- вели, Бојан.
Настанот е закажан за 29.04.2022 година (петок), или веќе познат во Охрид како “Ден за театар”. Цената на билетите е стандардна – 200 денари, картите по цена од 200 денари на билетарата при НУЦК “Григор Прличев” – Охрид. Телефон за резервации 046/261-063, 075/283-066, СОГЛАСНО ЗДРАВСТВЕНИ ПРОТОКОЛИ!
