Културно уметничкото друштво „Отекс“ од Охрид во сабота, на 4-ти ноември, со целовечерен концерт ќе одбележи јубилеј – 40 години постоење.
Јубилејниот концерт ќе се одржи во Центар за култура „Григор Прличев“- Охрид со почеток во 19:30 часот. Цената на билетот е 100 денари.
Концертот е поддржан од Општина Охрид, Министерство за култура на Р. Македонија и НУ Центар за култура „Григор Прличев“.
КУД „Отекс“ е формирано во 1983 година на иницијатива на тогашниот директор на текстилниот гигант „Отекс“. Низ 4 децении постоење во ова културно уметничко друштво поминаа генерации играорци кои играјќи ги македонските сплетови и ора, како амбасадори на културата, пропатуваа многу земји низ цел свет и ја презентираа нашата богата фолклорна ризница.
