Меморија ќе го отвори петтото издание на Ohrid Wine Festival
Организаторите најавуваат три дена исполнети со добра музика, врвни вина и незаборавна атмосфера за охриѓани и бројните туристи.
Култната македонска група „Меморија“ ќе го отвори петтото издание на Ohrid Wine Festival со концерт на 25 јуни на сцената поставена на охридскиот кеј.
Фестивалот Ohrid Wine Festival ќе се одржува од 25 до 27 јуни на кеј „Македонија“, на потегот пред хотелот „Палас“, а посетителите ќе можат да уживаат во богата музичка програма, дегустација на македонски вина и разновидна гастрономска понуда.
Ohrid Wine Festival се одржува под покровителство на Општина Охрид, а организатор е „Крафт Продукција“. Организаторите најавуваат три дена исполнети со добра музика, врвни вина и незаборавна атмосфера за охриѓани и бројните туристи.
