НУ Центар за култура “Григор Прличев” – Охрид го објави ноемврискиот репертоар на театарски претстави.
Во вторник, 5 ноември, ќе се одржи претставата „Секс, лаги и љубомора“ на Марк Камолети, а во режија на Коле Ангеловски.
Наредната сабота, 9 ноември, е резервирана за претставата „Кумови“ на Душан Ковачевиќ и режија на Билге Емин.
Во недела, на 17 ноември, охриѓани ќе уживаат со театарската импровизација „Импровокација“, а на 29 ноември во петок ќе можат повторно да ја проследат претставата „Секс, лаги и љубомора“ на Марк Камолети.
Сите претстави почнуваат во 20 часот, а се одржуваат во малата сала.
