Со двочасовен предупредувачки прекин на работата ќе побараат итни измени во законот за судска служба. Протестот  започнува наутро, кога судските службеници ќе ги напуштат работните места и ќе излезат пред институциите. Синдикатот смета дека законот кој е на сила е недоречен, набрзина донесен и неприменлив на терен. Бараат намалување на високите казни, и измени во начинот на оценување на работата на службеникот.

Политичките преговори за медиумите во ќор сокак, пренесува „Телма“.

Согласно одлуката на Регулаторната комисија за енергетика, од ноќеска на полноќ, малопродажните цени на дизелот и на екстралесното масло за домаќинство се намалуваат за еден денар, додека цената на бензините останува непроменета.

Тмурното и врнежливо време во Охрид, не го попречи доживувањето на „Сончевата есен на животот“, саботен настан кој ги разгали срцата на старите лица, пензионерите и сите оние кои ја исполнија големата сала во Центарот за култура „Григор Прличев“ во Охрид за да уживаат во програмата подготвена од Црвениот крст Охрид, во рамки на одбележувањето на Неделата на грижа за стари лица.

Младата и талентирана пејачка Магдалена Алексовска-Маги која живее во Њујорк, го објави официјалното видео за нејзината најнова песна со наслов „Друг да ме нема“. Текстописец е Весна Малинова, а аранжер и композитор Кирил Бабамов.

Специјалното јавно обвинителство од обвинителствата во земјава ги побара првите четири предмети поврзани или кои произлегуваат од нелегално прислушуваните разговор, пренесува „Радио слободна Европа“.

Пациентките кои сакаат да остварат право на ин витро за добивање прво, второ, трето и четврто дете најмногу до трет неуспешен обид за оплодување се ослободени од плаќање на партиципацијата од 6.000 денари.

Охридските љубители на филмската уметност на 9-ти, 10-ти и 11-ти декември 2015 година, во Центар за култура „Григор Прличев“ во Охрид ќе имаат можност да го погледнат филмот „Збор” од режисерот Слободан Деспотовски.