Вкупно 8 тимови на спасители на вода од охридскиот Црвен крст, распоредени долж градското пристаниште и во спасителни чамци како и 4 нуркачки тимови ќе се грижат за безбедноста на капачите кои во вторник на 19-ти јануари ќе скокаат по Светиот Крст во водите на Охридското Езеро. Спасувачките екипи ќе бидат засилени и со 8 медицински тимови за укажување прва помош со едно амбулантско возило, помогнати со 2 медицински тима на Итната медицинска помош со две амбулантски возила.

Генералниот секретар на ВМРО-ДПМНЕ, Емил Димитриев, ќе биде новиот премиер кој ќе ја предводи владата во стотте дена до изборите, ова е одлуката која синоќа ја донесе Централниот комитет на партијата, пренесува „Телма“.

Премиерот на Република Македонија Никола Груевски вечерва во своето обраќање до јавноста најави дека денес на 15-ти јануари 2016 година ќе ја поднесе својата оставка до претседателот на Собранието на Република Македонија Трајко Вељаноски.

Специјалната јавна обвинителка Катица Јанева денеска се појави на судењето на Зоран Заев за случајот „Пуч“, пренесува „Телма“.

Се поизвесно е дека во периодот од сабота па во текот на цела наредна недела се очекува значително заладување. Може слободно да се искорист фразата „зимата се враќа на голема врата“, пренесува интерент порталот „Метеопро“.

Американскиот интернет портал „Блумберг“ направи  една ранг-листа на најстресните земји за живеење во светот. Македонија на листата се наоѓа на 9-тото место, Нигерија е на првото, а Норвешка на последното.

Тројцата европратеници Иво Вајгл, Ричард Ховит и Едуард Кукан денеска ќе имаат средба во Државната изборна комисија и со специјалната јавна обвинителка Катица Јанева, по што ќе ги кажат своите оценки од посетата во Македонија, односно каков е нивниот став во однос на имплементирањето на договорот од Пржино,пренесува „Фокус“.

Дебарско-кичевската епархија ги известува своите православни верници дека на 14 јануари 2016 година (четврток), во манастирот „Свети Климент и Пантелејмон“, Плаошник, Охрид, ќе се служи света архиерејска литургија, по повод празникот на „Обрезание на Господ Исус Христос и свети Василиј Велики“, со почеток во 8.45 часот, на која ќе чиноначалствува Неговото Високопреосвештенство, Митрополитот Дебарско-кичевски г. Тимотеј.