Во петок триесетти јуни во 20 часот во Галерија Робевци ќе биде отворена изложбата „Внатрешна градина“ на ликовниот уметник и дел од авангардната генерација на уметници од Романија, Емилиа Персу.

Тетарска импровизација „ИМПРОВОКАЦИЈА“ (летна шема), оваа сабота, 24-ти јуни, со почеток од 21 часот. Импровокатори: Стрезо Стаматовски, Никола Тодороски, Филип Кипровски. Домаќин/хост – Филип Ангеличин Жура.

Португалија е во тридневна национална жалост во спомен на жртвите од шумските пожари. 62 лица загинаа, а десетици се повредени од огнената стихија.

Едно лице загинало, а десетина други биле повредени кога комбе удрило во пешаци во близина на една џамија во северниот дел на Лондон. Инцидентот кој се случил петанесетина минути по полноќ се истражува како можен терористички акт.

Над 50-тина баскер изведувачи од светот, акробати, жонглери, танчери, магионичари, кловнови и музичари се дел од програмата на 12. издание на фестивалот „Баскерфест“ што од утре до 25 јуни ќе се одржува во Скопје.

Фасадата што придонела брзо да се рашири големиот пожар во лондонскиот облакодер во кој загинаа најмалку 12 луѓе била направена да се подобри изгледот на зградата.

Граѓанската асоцијација МОСТ, го објави извештајот од Индексот на одговорност, транспарентност и продуктивност на Собранието на РМ. Извештајот е подготвен во рамките на проектот „Вклучени граѓани за отворено и транспарентно Собрание“. Во извештајот се посочени заклучоците кои се однесуваат на законодавните постапки и фреквенцијата на изменување на законите, работата на комисиите и работата на пратениците.

Советот на јавни обвинители го прифати предлогот на Владата за разрешување на републичкиот јавен обвинител Марко Зврлевски.