Холандскиот кинематограф Роби Милер е добитник на годинешната награда за животно дело на филмскиот фестивал „Браќа Манаки“, објави денеска новиот претседател на фестивалот на кинематографи, господинот Благоја Куновски.

Евро-комесарот Јоханес Хан, на вчерашната средба со новинари во Брисел, изјави дека покренал иницијатива за некаков вид меѓународен мониторинг при подготовката на избирачкиот список во Македонија за престојните парламентарни избори. Тој нагласи дека оваа иницијатива е суште во почетна фаза и за неа допрва ќе се дискутира.

Нешто повеќе од 50 пратеници ја потпишале иницијатива на пратениците на опозициската СДСМ за утврдување одговорност на претседателот Ѓорѓе Иванов по донесување на одлуката за општа аболиција со која помилува 56 лица меѓу кои поранешниот премиер Никола Груевски, поранешни министри за кои се водат постапки во Специјалното јавно обвинителство и во судовите, лидерот на СДСМ, Зоран Заев и други политички претставници.

Четирите предмети кои Специјалното јавно обвинителство ги побарало од општина Центар се поврзани со изградбата на спомениците: Воин на коњ (Александар Македонски), Воин ( Филип Втори), Цар Самоил и споменикот на Методија Андонов Ченто, дознава НОВА. Овие споменици се дел од мегаломанскиот проект Скопје 2014 кој досега се потрошени над 600 милиони евра, објавува НоваТВ.

Меѓу подвижните празници и во црковниот и во народниот календар значајно место има празникот Преполовение, меѓу народот познат како Руса Среда.

Oдложувањето на изборите ја продолжи неизвесноста од политичка разрешница, со што се зголемува притисокот врз рејтингот „ББ плус“ за Македонија земјата- ова е оценката на меѓународната рејтинг агенција „Фич“ во последниот извештај за Македонија.

Партиската четворка да се врати на преговарачка маса и со консензус да се дојде до законски решенија кои ќе го отворат патот за излез од кризата. ДУИ потсетува дека е тоа обврска од Договорот од Пржино, пренесува „Телма“.

Во четврток на 2-ри јуни 2016 година, во охридскиот Народен театар повторно ќе биде изведена претставата „Парламентарки“ во режија на Ненад Витанов, текст на Сашо Димоски, а според комедијата „Жени во Народното собрание“ од старогрчкиот комедиограф Аристофан.