Владата предвидува награда од 20% од основната плата за 2 месеци за најизложените здравствени работници во борбата против КОВИД-19.

Во моментов регионот може да се спаси само доколку сите држави од западен Балкан се држат заедно и настапуваат синхронизирано, се согласија директорот на АППТ Љупчо Јаневски и НЕ Марија Петровиќ, Амбасадор на Република Црна Гора во РСМ.

Министерството за здравство информира дека започнуваат координации со соседните земји за справување со коронавирусот. Овие подготовки имаат за цел да се донесе координирано олеснување на мерките за спречување на внесување и ширење на КОВИД-19 и да се овозможи безбедно патување во странство на граѓаните кога условите ќе го дозволат тоа.

Во изминатите 24 часа направени се 309 тестирања, а потврдени се 20 нови случаи на ковид-19 и тоа во: Скопје-10, Прилеп-5, Тетово-4, Велес-1. Досега во земјата се направени вкупно 19739 тестирања на ковид-19. Денеска Институтот за јавно здравје регистрира и 24 оздравени пациенти.

Во текот на изминатото деноноќие (06/07.05.2020) на територијата на Република Северна Македонија на 70 лица им се издадени решенија за изолација, а 25 лица потпишале изјави за самоизолација.

На последната своја седница, Владата донесе измени на Уредбата за примена на Законот за основното образование за време на вонредна состојба, Уредбата за примена на Законот за средното образование за време на вонредна состојба и Уредбата за примена на Законот за високото образование за време на вонредна состојба.

Празникот на Св. великомаченик Георгиј Победоносец – Ѓурѓовден, се празнува на 6 мај според новиот, односно на 23 април според стариот календар. Тој се смета за најголем пролетен празник што го празнува не само христијанското, туку и целото население во Македонија, што од друга страна значи дека во негова основа е празнувањето на природата, на разубавувањето на вегетацијата и на животот воопшто.

Денеска Институтот за јавно здравје регистрира 47 оздравени пациенти.