Во пресрет на матурските прослави, СВР Охрид, на целото подрачје што го покрива, ја отпочна превентивно- едукативната кампања „Среќни и безбедни матурски вечери“. Претставници од оделението за превенција, од денеска ќе бидат во средношколските центри во Охрид, Струга, Кичево и Дебар, и со матурантите ќе разговараат за неопходните мерки за безбедност при одржувањето на матурските прослави.

Партиски извори во СДСМ за Макфакс ги демантираат информациите кои се појавија во одредени медиуми дека веќе биле испратени гаранциите кои претседателот на Република Македонија ги бара за доделување на мандатот за формирање на нова влада предводена од Зоран Заев.

Регулаторната комисија за енергетика на Република Македонија ги објави новите цени на горивата кои ќе важат од утре – според нивната одлука литар бензин од 95 октани ќе чини 63 денари, бензинот од 98 октани 65, а литар еуродизел 49 денари.

Претседателот на Собранието Талат Џафери за денеска најави координација на претставниците на парламентарни партии, на која треба да се разговара за локалните избори.

Викендов во Скопје,а во организација на Теквондо клубот Илинден и Македонската Теквондо Федерација,во соработка со АМС и МОК ,се одржа 2-от по ред Теквондо Турнир ИЛИНДЕН ОПЕН 2017.

Оваа година Македонија, Градот Скопје и Кајакарската федерација на Македонија беа домаќини на Европското првенство во кајакна диви води во  спринт и класика за сениори. На Европското првенство учевствуваа 18 европски држави, 170 натреварувачи и околу 100 спортски работници и делегати.

Дебарско-кичевската епархија ги известува своите православни верници дека на 15 мај 2017 година (понеделник), во метохот на манастирот Св.Наум – „Св.Атанасиј Велики“ – Љубаништа, ќе се служи света архиерејска литургија, по повод празникот „Пренос на моштите на Св.Атанасиј Велики“, со почеток во 8.45 часот, на која ќе чиноначалствува Неговото Високопреосвештенство митрополитот Дебарско-кичевски и Администратор Австралиско – сиднејски г. Тимотеј.

Бројот на туристите во март 2017 година, во однос на март 2016 година, е намален за 3.5%, а исто така и бројот на ноќевањата бележи намалување за 3.2%. Така според податоците на Државниот завод за статистика, бројот на туристите во март 2017 година изнесува
43 033, а бројот на ноќевањата изнесува 91 532.