Македонските репрезентативци покажаа класа и му приредија мало роденденско изненадување на селекторот Игор Ангеловски, кој по повод својот 45-ти роденден доби и навистина специјален подарок.
Популарниот Мрме не можеше да го дочека својот 45-ти роденден во подобра атмосфера и во поидеални услови, бидејќи тој е човекот кој го подготвува тимот за првиот и историски настап на едно големо натпреварување.
Ангеловски беше пријатно изненаден од македонските репрезентативци кои добија поддршка и од стара гарда „Комити“, а за подарок си доби часовник од луксузниот швајцарски бренд „Tissot“.
– Дечки Ви благодарам за честа и поклонот, но јас и сите навивачи на македонската фудбалска репрезентација од вас го добивме највредниот поклон, ЕУРО 2020. Ве сакам. Благодарност и до стара гарда „Комити“ – објави Ангеловски на Фејсбук.
