Во организација на Националната установа Центар за култура “Григор Прличев”, од 5 -ти до 8 -ми јули, се одржа Балканскиот фестивал на народни песни и игри, најстарата фолклорна манифестација на Балканот на која се афирмираат културните достоинства на народите.
Програмските придобивки, квалитетот на презентацијата на фолклорниот материјал и можноста тој да биде отворена сцена за кумуникација на културите на народите придонесе овој фестивал да биде застапен во каталогот на ИОВ и ЦИОФФ на најзначајни фолкорни манифестации во светот.
Покровител на Фестивалот е Собранието на Република Северна Македонија. Организирањето на фестивалот е овозможено со материјална помош на Министерството за култура на Република Северна Македонија и пријателите на фестивалот.
На Балканскиот фестивал досега се презентирани илјадници изведувачи и играорци од повеќе континенти, притоа изразувајќи ја својата отвореност кон културните вредности на другите.
