„Приказната за Силјан“, најновото дело на режисерката Тамара Котевска, е откупено од National Geographic Documentary Films, една од најпрестижните светски куќи за документаристика.
За прв пат македонски филм влегува во глобалниот каталог на National Geographic, што значи дека ќе биде достапен на публиката во над 170 земји преку мрежата на National Geographic, Disney+ и Hulu, со силна фестивалска и маркетинг поддршка.
Во срцето на рурална Северна Македонија, Никола, земјоделец кој се бори со суровата реалност на новите владини политики, спасува ранет бел штрк од депонија, трансформирајќи ги животите на двајцата на подобро. Од режисерката номинирана за Оскар, Тамара Котевска („Медена земја“, ПРИКАЗНАТА ЗА СИЛИЈАН ја оживува приказната за предците во потресна и визуелно привлечна приказна за тивката моќ на поврзаноста.
Филмот ја освои „Наградата на Музата“ за најинспиративен филм на Биеналето во Венеција, предизвика овации во Торонто, а сега е и годинашен македонски кандидат за „Оскар“ во категоријата за најдобар интернационален филм. Дополнително, британскиот дистрибутер Dogwoof, познат по оскаровци и бафта-наградувани документарци, ги презема правата за Австралија, Јапонија и Полска.
