Изборот за „Светски автомобил на годината 2016“ заврши во Њујорк, каде што се објавени победниците во пет различни категории.
Победник во изборот за „Светски автомобил на годината 2016“ е новата генерација на Mazda MX-5, победувајќи ги другите два финалисти објавени уште на автосалонот во Женева, Mercedes-Benz GLC и Audi А4. За новата генерација на култниот родстер на Mazda оди уште една награда, а тоа е наградата за најдобар дизајн за 2016 година.
Моделот Audi R8 Coupe кој на автосалонот во Њујорк дебитира со својата отворена верзија ја понесе наградата за автомобил на годината со високи перформанси, покажувајќи дека е попопуларен пред другите два финалисти, Mercedes-AMG C63 Coupe и Honda Civic Type R, додека наградата на најлуксузен автомобил во светот за 2016 година оди во новиот BMW 7-Series.
