Уставниот суд не може да креира нова правна ситуација, кога тоа не го направил законодавецот.
Уставниот суд ја цени содржината на одредбите, а не тоа што го нема. И покрај тоа што е неспорно дека постои правна празнина бидејќи не се предвидени механизми што да се прави кога локалните избори не можат да се одржат во законските рокови, одложувањето може да го направи само законодавецот.
Од тие причини, на денешната седница на Уставниот суд судијата известител Елена Гошева предложи да не се поведе постапка по двете иницијативи за локална самоуправа.
Мандатот на градоначалниците и советниците истекува на 15 мај.
Во тек е расправа околу неможноста за исплата на субвенциите. Одлучувањето по овие точки ќе биде на затворена седница, по завршување на дневниот ред.
