Утре ќе се одржи 26-тото издание на „Распеано рибарче“ во спортската сала „Билјанини Извори“ во Охрид.
Организаторите најавуваат изведби на 33 нови детски песни.
-Ќе има 38 изведувачи, а со балетските точки на сцената ќе продефилираат над 90 деца од нашиот убав Охрид. Во нив има нови детски фестивалски хитови кои ќе се слушаат и пеат на родендените, во градинките и училиштата. Уште еден доказ дека Фестивалот е вистински празник за градот. И дека Рибарчето е всушност е вистинското место на кое младите ќе го покажат својот талент, а потоа ќе го насочат во креативна насока а некои дури и ќе влезат во музичките води, информираат организаторите.
Влезниците ќе можат да се купат на благајната на салата пред самиот почеток на фестивалот.
Покровител на фестивалот и оваа година е Општина Охрид.
