Утре во 10 часот во НУ Библиотека „Григор Прличев“ ќе се одржи традиционалниот Регионален натпревар „Млади библиотекари“.
Од установата информираат дека победникот од натпреварот во Охрид ќе се стекне со право на учество на Републичкиот натпревар, кој оваа година ќе се одржи во библиотеката „Кочо Рацин“во Кичево на 7 мај, а е во организација на Библиотекарското здружение на Македонија.
