Поради неисполнување на технички услови во Центарот за култура „Григор Прличев“ Охрид времено е прекинато одржување на настани.
-Согласно допис од Министерство за култура и туризам на Р.С.Македонија имаме насоки за времен прекин на настани во нашата Установа, заради реконструкција на хидратна мрежа, громобран и систем за детекција на пожар, велат од Центарот за култура.
Од Центарот не наведуваат повеќе детали во поглед на отпочнување и временски период за завршување на активностите во оваа насока и обезбедување услови за отпочнување на одржување на настани.
